देख अपने के राह तकते तकते / कवयित्री - लता प्रासर

मगही कविता 

देख अपने के राह तकते तकते 

हम आ गेलियो गंगा मैया के कोरा में

अकेले कुछो निमन नय लगs हको

आवs न अंगुरिया पकड़ के बुतरू नियन घूरा द

सुरूजो डूबल जा हखूं

देखहो ने केतना सुन्नर लगs हय एज्जा

आवs हम्मर अंखियों तोहरे निरेख रहलो ह

इ गंगा के कछार पर हवा भी तोहरे याद देलावs हको

तोहरा बिना की बतिऐइयो ओकरा से

आवs हाली सुनी 

सुनावs दिलवा के बतिया

एतना हम तो आ गेलियो

बाकि छूट गेलो तोहरे बिजुन

ऐइहा ले ले अइहा हमरो साथे साथे

गैइबो दुनो मिलके कुछ खटगर कुछ मिठगर!

....

कवयित्री - लता परासर "मगहिया दीदी"

कवयित्री के ईमेल आईडी - lataprasar@gmail.com

प्रतिक्रिया हेतु ईमेल आईडी - editorbejodindia@yahoo.com