झिर झिर हवा बह
के सबके मन बहका रहलय हS।
जरी जरी जाड़ा लगे
लगले हS।
इ अगहन के महीनमा
सबके मतवाला कैले हय।
अब तो शादियो
बिआह के घुनघुनी शुरू होवे लगले हS।
ऐसे मे केकरा नय
इ सनसनाहट के सुने के मन करतय।
गाम मे तो सगरो
धान के कालीन बिछल हय।
जेकरा देख उहे इ
कालीन पर घोलटे ल बेचैन हय।
सगरो हरियरका
चुड़ा के गंध से मन हरिऐले हय।
जवान जवान
बुतरूअन सब इहे धान के महल मे अपन सपना के पंख लगा्वे मे जुटल हखीं। अखनी कहां सुध
बुध हय। दु चार गो साथी सब मिल के मनमौजी गप मे डुबकी लगाबे मे लग रह हखीं।
अभीए से बुढ़ा
बुढ़ी सब लिहाफ ओढ़े लगलखिन। इनखो सब के खिस्सा सुने मे खुब मन लगS हय। अगहन के महीने अइसन होबS हय। बुतरूअन सब के देख के भितरे भितरे
गुदगुदैते रहS हखीं।
जेकर बिआह होबे
बला हय ओकर तो कुछ कहने नय हय। अपने मे हंस हय अपने मे लजा हय। जगह जगह मेला लगल
हय। बिहार मे दु गो बड़का मेला एगो राजगीर मे एगो सोनपुर मे अगहने मे लगS हय।
जे अगहन के गुन
जानS होतखीं । उनको मन सिहर
रहले होत।
अगहनिया दुलार सब
लगी।
लिखताहर
लता प्रासर
पटना (बिहार)
भारत
